معقوله تجي منك
كثيرا منا مقصر في حق والديه وخصوصا والدته
ولكن هذه المره قد أتيت لكم رائعه من روائع النشيد النبطي والشعر ايضا
الكلـــــمات :
معقوله تجي منك وترميني لاي انسان
يلملمني ولا يلقى بعيوني غير دمعاتي
انا ماصدق انك انت تنهيني من الوجدان
وترميني وانا اشوف القبر نادى مسافاتي
وكسرني الشتاء ياوليدي وانت بداخلي غفيان
تحملت الاسى والظيم عشانك يابعد ذاتي
وصحى بي البرد واللاهوب وانت بداخلي دفيان
تحملت السنين وقلت على الله تلملم شتاتي
انا امك ياهيــــــــــــــــــه امك حملتك والعذاب الوان
ولدتك والالم سكين يركز داخل لهاتي
وانا اثناء الولاده من بكى صوتك طعنت احزان
لاني شفتك بصوتك تنادي كل طموحاتي
ومهدتك فعين وعين يشرب حزنها القران
وهزيتك وكان النور يتهزهز من دعاتي
اضمك في يديني لا تجي وتقول انا بردان
تركت البرد لضلوعي رح اسأل رعشة شفاتي
وزولك من ركض فيني لمست بداخلي اوطان
وتركتك تبني بمجدك على كتف انكساراتي
وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي
كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتي
اسولف للبشر عنك اقول ولا به اي نقصان
رضع عز الشهامه شب طموحه في معاناتي
وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي
يقولون الولد هو خان اقول وليدي لا ماخان
وهم يدرون ماغطى منامي غير وناتي
افااا وشلون تتركني يكحلني عمى النسيان
وانت ادري فيوم الحشر جنه تحت خطواتي
لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي
تدين اليوم ياوليدي وباكر للاسف تندان
ويرمونك مثل امك وتذكر حلم شيباتي
رابط النشيده
http://www.ma3ali.net/audio/files/na..._kharallah.MP3
نصيحه تسمعونها كلها
وفقتم لطاعة الله وحسن عبادته